قصيدة الى الابد

* إلـــى الأبـــــــــــــــد *

إلى الأبد في خافقي حبك جنون
وان كان تبغى مستعد اكتب عهد

مقدر أعيش بدون حبك يا حنون
من غير حب القلب ما يبغى أحـد

حبك بقلبي محتوي كل الفنون
لا لا توصيني أنـا عند الوعد

حمامة من حبها اهتزت غصون
فيها الفؤاد يذوب شرط بلا عدد

لعيونها العشاق دوم يسافرون
وأنا مع العشاق فجرت السدد

قربت بلمسها وهي تمشي بهون
طارت وخالتني وقامت تبتعد

رحلة طويلة والسفر يم العيون
والموت أشوفه هو نهايات الجسد

مشاعرك نفس المشاعر يا فتون
من شـان هذا متجة نحـو البـلـد

يا مزنة ٍ تمطر وهي بين المزون
تبرق وزين برقها صوت الرعد


العاطشون لكل قطرة سامرون
تروي ضما بسيل الجبال المستمـد

خلي غطس والسابحون يطشطشون
شوف البحر والغطس فيه شوف السعد

وزنـك وحرفك ترتعـش منه الوزون
ومعنى ٍ رسمتة مختلف مثل الشهد

مــا ودي آغـمـق عليكـم تطـردون
الفـكـر في مـيـدانـها يـفـكـك عــقـــد


مع تمنياتي للجميع بالمتعة والفائدة
ولكم مني وافر المحبة الصادقة

ارجوا قبول شكري و امتناني

شـــــــــــــــــــــــــــــاعــــــــــــر
الإ بـــــــ(بلاك ديفيل )ــــــــــداع