عجبي عليك يا زمـن ، يامـا عذبـت فـي بشـر
وياما فرقت في قلوب فيها اللي عاش واللي انتحر
وإحنا عايشين على الأمل انك في يوم تضحكلنـا
وتعـود لقلبـي فرحتـه ويعـود لسمانـا القمـر
مـا هـو ده المكتـوب وهـو ده حكـم الـقـدر
الحزن عشش في البيوت وكمان على الحب انتصر
وكنـا فاكريـن إننا رايحييـن نقابـل فرحـنـا
بس عرفنـا انـه مـات ومعـاه القلـب انكسـر
وخلاص صاحبنا الهموم وقلوبنا صارت من حجـر
بقت معانا كل يوم لـو حتـى فـي سكـة سفـر
وكمان خاصمنا نفسنا ولا عـدش غالـي عندنـا
وعلقنا على صدرنا لوحه تقول زمن الحبايب جبر
تايهين ومش عارف أحنا رايحين فين
ما المركبة عايمه وفوقيها اهوه راكبين
لا حد فينا سأل ولا اشتكى ساكتين
لحد ما نشوفها ناويه تاخدنا لفين
راكب أنا من زمن من سنه ولا سنين
مبقتش تفرق خلاص ما كلنا مسافرين
العمر راح ومضى معرفش امتى وفين
وكأنه حلم انقضى مني في غمضة عين
سبت الرحال والمال معرفش سبته لمين
حتى حبيبتي سبتها في جزيرة العاشقين
سبت الحياة كلها ما بقتش من العايشين
ورضيت اصاحب وحدتي أحسن من الفانيين
خلوني اكره دنيتي خلوني عشت حزين
وغدرهم شلني ما هم صحاب خاينين
بقيت أسير الضنا وبقين من المساكين
فقولت اسيب دنيتي أحسن ماعيشها حزين
عجبي عليك يا زمن ظالمنـي باستمـرار
فقدت فيك الأمل وفكري خـلاص احتـار
لا عمري شفت الفرحة ولا عمري حسيتها
اعدي سور الألم أقع فـي حفـرة نـار
وأخرتها إيه يا زمن إيه أخـرة المشـوار
خلاص أنا سبت سكتي وماشي مع التيار
كان نفسي أروح للهنا واقعد معـاه ليلـه
لكن حكـم الزمـن ، إني أتوه وأحتـار
موضوع: عجبي عليك يا زمـن 
الثلاثاء يوليو 07, 2009 6:31 am