العمر ضاع مننـا عـدى وفـي ثوانـي
واللي راح من عمرنا ملوش رجوع تاني
معدش منه غير ذكريات مبقاش لها معنى
ما كتر الجراح مع العذاب والبعد قسانـي
قعدت أفكر في الهوى اللي خـدوه منـي
بسببـه قلبـي انكـوي بالنـار وجننـي
ليه كل قلـب نحبـه يـا قلبـي يخدعنـا
وليه الزمن دايماً كده من الحب يحرمنـي
الذكريـات لعمـر فـات دايمـاً بتألمنـي
والدنيا دايماً مش ساعات عماله تظلمنـي
على طول كده الأحـزان دايـرة تجمعنـا
لما كرهت الحزن ياه وهـو زهـق منـي
الكلمة خارجه من لساني كرباج بيلسعنـي
ومفيش غير ربنـا هـو اللـي ينفعنـي
عدت سنين من عمري ياما والدنيا خداعه
أن الأوان اشكي لربي وربي هيسمعنـي
عجبي عليك يا زمن فيك الأصيـل أتهـان
والخسيس بقى له ثمن ما هي البشر أتمان
ما أحنا خلاص في زمن القرش هو البيـه
وضميرنا فيه أندفن وخلاص بقينا غيـلان
موضوع: العمر ضاع 
الأربعاء يوليو 01, 2009 1:16 am